Мемлекет басшысының биылғы Жолдауында белгіленген басым бағыттармен үндесетін негізгі бастамалардың бірі – жаңа Құрылыс кодексінің қабылдануы. Президент Қасым-Жомарт Тоқаев елдің тұрақты дамуын қамтамасыз ету үшін тұрғын үй-коммуналдық шаруашылығын жаңғырту, сондай-ақ экологиялық және санитарлық-гигиеналық талаптарды күшейту қажеттігіне ерекше назар аударған болатын.
Бүгінде су тапшылығы еліміздің барлық өңірлерінде сезіліп отыр. Осыған байланысты су ресурстарын басқарудың бірыңғай цифрлық платформасын құру – дер кезінде қолға алынған маңызды шешім. Бұл платформа суды тиімді әрі әділ бөлуді, ысырапты азайтуды және саланың ашықтығын қамтамасыз етуге мүмкіндік береді деп ойлаймын.
Қ.Омаров,
аудандық ардагерлер кеңесінің мүшесі
