Мемлекет басшысы Қасым-Жомарт Тоқаевтың биылғы Жолдауы – еліміздің құқықтық жүйесін жаңа сапалық деңгейге көтеруді мақсат еткен маңызды стратегиялық құжат. Онда «Заң және тәртіп» қағидатын басшылыққа ала отырып, қоғамдағы әділеттілікті орнықтыру, азаматтардың құқықтары мен бостандықтарын сенімді қорғау – мемлекеттіліктің берік тұғыры екені айқын атап өтілді.
Бүгінгі таңда еліміз үшін басты міндеттердің бірі – қоғамдағы әділдікті қамтамасыз ету, құқық қорғау жүйесінің тиімділігін арттыру және сыбайлас жемқорлыққа қарсы күресті жаңа деңгейге шығару. Бұл бағыттағы жүйелі шаралар ел бірлігін бекемдеп, азаматтардың мемлекетке деген сенімін күшейтуге зор үлес қосатыны сөзсіз.
М.Әнесұлы,
аудандық ардагерлер кеңесінің төрағасы
