Қазақстанда 30 маусымнан бастап шектеу шараларының күшейтілетіні жайлы тараған ақпарат - жалған

(0 Votes)

Қазақстанда 30 маусымнан бастап шектеу шараларының күшейтілетіні жайлы тараған ақпарат – жалған, – деп хабарлайды Денсаулық сақтау министрлігінің баспасөз қызметі.

«Әлеуметтік желілерде Ведомствоаралық комиссия Қазақстанда 30 маусым сағат 00.01-ден бастап белгілі бір уақыт ішінде шектеу шараларын күшейтетіні жайлы ақпарат тарап жатыр. Бұл ақпарат дұрыс емес. Шектеу шаралары туралы түпкілікті шешімді Мемлекет басшысының тапсырмасына сәйкес Премьер-Министрдің төрағалығымен мемлекеттік комиссия қабылдайды», –  делінген хабарламада.

Денсаулық сақтау министрлігі Қазақстанда жалған ақпарат таратқаны үшін жауапкершілік қарастырылғанын ескертті.

Еске сала кетсек, Үкімет 2 күннің ішінде осы жылдың наурыз-мамыр айындағыдай қатаң карантин шараларын енгізу бойынша ұсыныс әзірлеуі тиіс. Коронавирус індетінің таралуына қарсы шаралар қабылдау жөніндегі кеңес барысында Мемлекет басшысы Қасым-Жомарт Тоқаев осындай тапсырма берді .

Денсаулық сақтау министрі қатаң карантин бойынша түпкілікті шешім жақында қабылданатынын хабарлады.

aikyn.kz

ФОТОГАЛЕРЕЯ

Біріңғай мемлекеттік байланыс

AqPrint

Байланыс номерi :     +7 702 132 03 32      +77122458521