Ауа райының жылынуына байланысты қала жолдарында электро-көлік құралдарының қатысуымен жол-көлік оқиғалары жиілеп кетті. Жыл басынан бері мопед көлік құралдарының қатысуымен 12 жол-көлік оқиғасы тіркеліп, 3 адам жарақат алды. Осыған орай, электро-көлік құралын жүргізушілеріне жолдың оң жақ жиегімен жүріп, бағдаршамның тыйым салынған түсіне өтпей, арнайы бас киім мен жарық шағылыстыратын жейде кию қажеттігін ескертеміз.
Сонымен қатар, 2025 жылдың 5 сәуірінен бастап мопедтер механикалық көлік құралдары қатарына енгізіледі. Осыған байланысты, жыл басынан бері 365 мопед ресми тіркеуден өтіп, мемлекеттік белгі алды.
Құрметті жүргізушілер! Жол қауіпсіздігін сақтау – баршаға ортақ міндет. Жол қозғалысы ережелерін сақтап, өзіңіз бен өзгенің өміріне қауіп төндірмеңіз!
