Облыс әкімі Серік Шәпкенов Конституция күніне орай Мемлекет басшысы Қасым-Жомарт Тоқаевтың Жарлығымен Доссор кенті әкімінің орынбасары Ергужиева Гүлнар Бағытжанқызын “Қазақстан Республикасының Конституциясына 30 жыл” мерекелік медалімен наградтады.
Доссор кенті әкімінің орынбасары Гүлнар Бағытжанқызы — өз қызметін мінсіз атқарып жүрген, жауапкершілігі жоғары, ұйымдастырушылық қабілеті мол мемлекеттік қызметші.
Ол мемлекеттік қызмет саласында 19 жылдан астам уақыт бойы халықпен тығыз жұмыс жасап, жергілікті әлеуметтік-экономикалық, инфрақұрылымдық мәселелерді шешуге белсене араласып, аянбай еңбек етіп келеді.
Гүлнар Бағытжанқызын бүгінгі марапатымен шын жүректен құттықтап, алдағы жұмысына табыс пен жетістіктер тілейміз!
МТ
