2022 жылы Атырау облысындағы электронды көрсетілетін қызметтер саны 5,3 млн. болды, бұл көрсеткіш 2021 жылмен салыстырғанда 14%-ға артқан.
Осы және басқа да ақпараттарды Департамент басшысы Ерлан Ермаханбетов өңірлік коммуникациялар қызметінде өткізілген брифинг барысында баяндады.
Атап өту қажет, жалпы көрсетілген мемлекеттік қызметтер саны 13%-ға өскен, яғни 2021 жылы 5 млн. мемлекеттік қызметтер көрсетілген болса, өткен жылы 5,4 млн. мемлекеттік қызметтер көрсетілді.
Бұл ретте, өңірдегі көрсетілген мемлекеттік қызметтердің 91%-нан астамы электронды түрде көрсетілген.
Жергілікті атқарушы органдар мен орталық мемлекеттік органдардың аумақтық бөлімшелері арасында мемлекеттік қызметтерді көрсетудің тәртібін түсіндіру мақсатында ақпараттандыру-түсіндіру іс-шаралары 47%-ға артты. (2021 ж. – 467, 2022 ж. – 889).
Мемлекеттік қызмет көрсету мәселелері жөнінде ведомствоаралық жұмыс тобының 4 отырысы өткізіліп, нәтижесінде мемлекеттік қызмет сапасын арттыру бойынша 81 ұсыным енгізілді.
Мемлекеттік қызмет көрсету сапасын арттыру мақсатында 26 қоғамдық кеңес отырысы өткізілді.
