Діни сауатсыздық соңы - адасу

(0 Votes)

Аудан әкімдігінің үлкен мәжіліс залында облыстық ақпараттық-түсіндіру тобы мүшелері  семинар өткізді. Аталған семинарға мемлекеттік қызметшілер мен «Шапағат» деструктивті діни ағымдардан жапа шеккендерге көмек орталығы» қоғамдық қорының  теологы С.Сариев, Ш.Темірқұлұлы және «Жусан» операциясымен келген отбасы мүшесі П.Еркінбай  қатысты.

Жиын барысында «Шапағат» деструктивті діни ағымдардан жапа шеккендерге көмек орталығы» қоғамдық қорының  теологы С.Сариев  құзырлы органдардың «Қазақстан Республикасының әкімшілік құқық бұзушылық туралы кодексінің кейбір баптарына немқұрайлы қарауынан жеке тұлғаға  белгілі мөлшерде  айлық есептік көрсеткіш мөлшерінде айыппұл салынатындығын айтты.

img_0027

Олардың қатарында  127-бап бойынша  кәмелетке толмаған адамды тәрбиелеу және оған білім беру жөніндегі міндеттерді орындамау, 409-бапта Қазақстан Республикасының білім беру саласындағы заңнамасын бұзу,  458-бап Қазақстан Республикасының мемлекеттік рәміздерін пайдалану және орындау тәртібін бұзу, 669-бапта сот үкімімен, сот шешімін немесе өзге де сот актісін және атқарушылық  құжатты орындамау бар.

Сондай-ақ,  деструктивті діни ағымдардың  құрамына тарту жолдары, дәстүрлі және дәстүрлі емес діни ағымдар, оларды ажырату жолдары туралы мағлұмат беріп, елімізде болған бірнеше лаңкестік әрекеттердің кері әсерлерін мысалмен түсіндіріп өтті.

img_0024

Жастайынан жалған діни ағымдардың құрбаны болған П.Еркінбай Сириядағы бастан кешкен қиын тағдырын айта отырып, жастық шақтың қанша уақытын жоғалтқанын тілге тиек етті. Сонымен қатар студенттерге соқыр сенімнің жетегінде кетпей, ата-ананың, бауырлардың, отанның, білім алудың, уақыттың қадірін түсіну керектігін жеткізді.

Аталған іс-шаралар Доссор кентінде де жалғасын тапты.


А.ТАУМҰРЫНОВА

Суреттер автордікі

 

Мақат тынысы

podpiska_kaz

COVID 19

covid

Тәуелсіздікке 30 жыл

tuelszdkke-30-zhyl

COVID-19 инфекциясы

logo

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және
коммуникациялар министрлігінде тіркелгені жөнінде
2018 жылдың 16 мамырында №17098-Г куәлігі берілген.

Атырау обл, Мақат кенті, С.Мұқашев к-сі, 36.
makat70@mail.ru 
8 (712)39 3 07 66

 

 

Яндекс.Метрика