Еліміздің ертеңі, мемлекетіміздің жарқын келешегі білімді де білгір жастарға тікелей байланысты. Қай дәуірде де қоғамның қозғаушы күші жастар болғаны тарихтан белгілі.
Осы ретте Мемлекет басшысы Қасым-Жомарт Тоқаев өз Жолдауында да жастардың рөліне айрықша тоқталып, оларға зор сенім артатынын жеткізген болатын.
Президент өскелең ұрпақты отаншылдыққа тәрбиелеудің маңызын айтып, бұл қасиетті ұғымның терең мәніне назар аударды.
Бұл ел тағдырын сеніп тапсыратын ұрпаққа жасалған шынайы қамқорлық деуге болады.
Иә, бүгінгі жас буын – білімге құштар, заманауи технологияларды еркін меңгерген, нақты іспен ел дамуына үлес қосуды мақсат тұтқан ұрпақ деуге болады.
Осылайша, мемлекет басшысының жастарға артқан сенімі жаңа биіктерге жетелейтін рух пен одан әрі алға ұмтылуға себеп болары анық.
Г.Омарова
Мақат балалар өнер мектебінің домбыра ұстазы
