Жаңа жыл қарсаңында балауса қылқан ағаш түрлерін заңсыз кесудің, дайындаудың, тасымалдаудың және сатудың жолын кесу бойынша табиғатты қорғау органдарына көмек көрсету мақсатында Атырау облысы аумағында 20-31 желтоқсан аралығында «Шырша» жедел-профилактикалық іс-шарасы өткізіледі.
Іс-шара барысында табиғатты қорғау полициясының қызметкерлері орман алқаптары бойынша рейдтер жүргізеді. Полицейлер ағаштар мен бұталарды заңсыз кескені үшін әкімшілік және қылмыстық жауапкершілік қарастырылғанын ескертеді.
