2-4 сәуір аралығында Атырауда 22-ші Солтүстік-Каспий өңірлік «Atyrau Oil&Gas» мұнай-газ көрмесі және 22-ші Солтүстік-Каспий өңірлік құрылыс және интерьер көрмесі «AtyrauBuild» өтуде.
Биыл көрмеге Австрия, Германия, Италия, Қазақстан, Қытай, Нидерланды, БАӘ, Пәкістан, Ресей және Сингапур сынды 10 елден 97 компания қатысып отыр. Олардың ішінде 61%-ы алғаш рет қатысып жатқандықтан, бұл көрменің маңыздылығын арттыра түседі. Жаңа қатысушылар қатарында ARCONMET, Beruseal Caspian, Caspian Resources & Technical Services, IEC ENERGY GmbH, PCA POWER KZ, SDM Lifting және басқа да компаниялар бар.
Сонымен қатар, көрме аясында мұнай-газ саласына арналған заманауи техникалық шешімдер мен жабдықтар ұсынылатын кең ауқымды көше экспозициясы ұйымдастырылған.
Көрмеде ерекше назар Италияның 18 өндірушісіне аударылады. Олар өз өнімдері мен технологияларын ұлттық павильон аясында таныстырады.
