1 маусым күні Атырауда «Таза Қазақстан — жасыл болашақ» атты эко-карнавал өтті. Іс-шара 5 маусымда аталып өтетін Қоршаған ортаны қорғау күні мен Эколог күніне орай ұйымдастырылды. Карнавалды Атырау облысы бойынша Экология департаменті ұйымдастырды, деп хабарлайды AtyrauPress тілшісі.
Іс-шараға табиғи ресурстар және табиғат пайдалануды реттеу басқармасының өкілдері, «АтырауЭко» бірлестігі, оқушылар мен еріктілер қатысты. Негізгі назар балаларды экологиялық сауаттандыруға аударылды — оларға интерактивті түрде тұрмыстық қалдық түрлері, оларды дұрыс жою мен сұрыптаудың маңыздылығы туралы айтылды.
«Егер қоқысты жеке-жеке жинаса — қағазды, пластикті, шыны мен органикалық қалдықтарды бөлек — бұл қоршаған ортаға түсетін салмақты едәуір азайтып, қайта өңделетін материалдарға екінші өмір сыйлайды», — деп атап өтті ұйымдастырушылар.
Балалардың ерекше қызығушылығын шығармашылық тапсырмалар тудырды: олар асфальтта түрлі-түсті бормен салып, табиғатты таза сақтаудың өз идеяларымен бөлісті.
Мереке қорытындысы ретінде мерекелік жәрмеңке ұйымдастырылды. Оқушыларды Балаларды қорғау күнімен құттықтап, тәтті сыйлықтар табысталды және белсенді қатысқандары үшін алғыс білдірілді. Мейірім, шаттық пен экологиялық бірлікке толы атмосфера бұл күнді ерекше есте қаларлықтай етті.
Мадина Сериккызы
