Бүгін Атыраудағы жайлы «Нұрлы тал» этнопаркінде шын жүректен шыққан ерекше шара — Халықаралық балаларды қорғау күніне арналған мереке өтті. Бұл іс-шара «AMANAT» партиясының Атырау облыстық филиалының қолдауымен, «Жанеркем-ай» қоғамдық бірлестігінің бастамасымен және «Бақытты отбасы» партиялық жобасы аясында ұйымдастырылды.
Мерекелік шараға облыстық және қалалық мәслихат депутаттары, партия мүшелері, сондай-ақ ең бастысы — 50 ерекше бала мен олардың ата-аналары жиналды.
Жиналғандарға ізгі тілегін Атырау қалалық мәслихатының депутаты, балалар құқықтары жөніндегі өңірлік уәкіл Айжан Сәрсембаева жеткізді:
— Баршаңызды Халықаралық балаларды қорғау күнімен шын жүректен құттықтаймын! Әрбір бала қандай өмірлік жағдай болмасын, бақытты әрі сүйікті болуы тиіс. Әсіресе ерекше күтімді қажет ететін балалар. Көпшілігі қиындықтарға қарамастан, оларды жеңіп, сауығып кететініне сенемін. Балалар — біздің болашағымыз, бүгініміз әрі ең басты байлығымыз. Өздерінің балаларын мейіріммен, сабырмен жетелеп келе жатқан ата-аналарға зор алғысымды білдіремін.
Балалар үшін мерекелік дастархан жайылып, партия атынан түрлі-түсті сыйлықтар, тәттілер мен дәмді тағамдар ұсынылды. Импровизацияланған сахнада музыка әуені естіліп, өнерпаздар шат-шадыман әндер мен билер арқылы нағыз мерекелік көңіл-күй сыйлады.
Іс-шара барысында «Жанеркем-ай» қоғамдық бірлестігінің төрайымы Әлия Кубаева және балалардың ата-аналары жүрекжарды алғыстарын жеткізді:
— Жақсылықтарыңызға, ықыластарыңызға, бүгін балаларымыздың өздерін қажет әрі бақытты сезінуіне мүмкіндік бергендеріңізге алғысымыз шексіз. Мұндай мерекелер — олар үшін таза ауаның лебі, өз-өзіне деген сенім мен шабыттың бастауы, – деді ата-аналар. Мадина Сериккызы
