Мемлекет басшысы Қасым-Жомарт Тоқаев өз Жолдауларының бірінде бұқаралық спортты дамыту мәселесіне айрықша назар аударған болатын. Бүгінде Президент тапсырмасының жүзеге асуы – Доссор балалар-жасөспірімдер спорт мектебі спортшылардың жеткен жетістіктерінен-ақ көрініп жүр. 

Өйткені, үздік нәтижеге қол жеткізіп келетін спортшылар апта сайын аудан қоржынын медальдармен толықтырып келеді.

Өткен аптада ғана Атырау қаласында дәстүрлі годзю-рю каратэ-до бойынша балаларға жасөспірімдерге және ересектерге арналған аттестациялық гашуку семинар өткен болатын. Облыс бойынша 300 бала қатысқан семинарда аталған мектеп шәкірттері де бой көрсетті. Нәтижесінде, М.Берікқали, А.Садиман, М.Жауғашар, З.Жауғашар, А.Шапиева, М.Эдуард «сары белдікке» ие болды.

Ә.ҚАСЫМ