"Нұр Отан" партиясы аудандық филиалы ғимаратында «Бірыңғай қабылдау күні» республикалық акциясы өтті. Жұмысқа қабылдау акциясына жұмыс беруші 4 мекеме қатысып, 25 азамат жұмысқа орналасауға өтініш білдіріп келді.
Акцияға «КМГ Нэйборс Дриллинг Компани» ЖШС, «Nexus Kazakhstan» ЖШС, «Capital Complex Catering» ЖШС және «Болашақ» балабақшасы өкілдері бос жұмыс орындарына жұмысшы, мамандықтарға түйіндемелер қабылдады.
Мамандардың айтуынша, өтініш білдірушілердің басым бөлігі жұмыс беруші «Capital Complex Catering» ЖШС мекемесінің талабына сай қойма маңындағы түрлі жұмыстарды қалады. Жұмыс беруші мекемелер алдағы уақытта түйіндемелерді саралап, жұмысқа қабылдау туралы шешімдерін жергілікті жұмыспен қамту орталығы арқылы хабарлайтын болады.
