Баласына ойыншық қараған кезде әркім өз өлшемдеріне сәйкес таңдайды. Кейбір ата-ана белгілі бір өндіруші бренд компанияға мән берсе, кейбірі бөбек бойындағы белгілі бір дағдылар мен ептілікті дамытуға бағытталған ойындар мен ойыншықтарды алуға тырысады.
Балаға ойыншық сатып аларда оның қауіпсіздігін де естен шығармаған абзал. Қазақстанда балалар ойындары мен ойыншықтарының сапасы мен қауіпсіздігі Кедендік одақ комиссиясының техникалық регламеттерімен реттеледі. Басты талаптар ойыншықтың құрамы мен жасалған материалдарына қойылады. Олардың қорғаныс-декоративті жабыны ылғалды өңдеуге, сілекей мен тердің әсеріне тұрақты болуы керек. Бөлшектері функционалды механикалық ауыртпалықтарға төзімді болуы қажет. Ойыншықтың жиектері, өткір ұштары, қатты бөлшектері, саңылаулары, бұрыштары, баулары, арқандары мен бекіткіштері балаға зақым қаупін тудырмауы керек. Себебі, бала ойыншықты сілкілеуі, ауызына салуы, су құюы, тіпті оны балға немесе шеге ретінде де пайдалануы мүмкін.
Толығырақ газетіміздің №14 санынан оқисыздар
