Республикалық «Мектепке жол» акциясы аясында аудандық білім беру ұйымы бар баланың мектеппен қамтылуына ықпалды шаралар ұйымдастыруда.

Жаңа оқу жылы қарсаңында НКОК компаниясы өкілдері аудандағы 100 балаға арналған оқушы сөмкесін табыстады. Акцияға қатысушыларды аудан әкімінің орынбасары Нұрлан Ерғалиев жаңа оқу жылымен құттықтап, балалардың білімді, үлгілі оқушы болуларына тілегін тоғыстырды. Балаларға базарлығын ала келген жұртшылықпен байланыс жөніндегі кеңесші Назгүл Шыңғысова бастаған компания өкілдеріне алғысын білдірді. Аудандағы әлеуметтік аз қамтылған, жартылай жетім, жетім, көп балалы отбасы балаларына қолдау көрсеткен акцияны ұйымдастырушылар мен демеуші компания өкілдеріне ата-аналар да жылы лебіздерін білдірді. Мектепке баратын бір құралының түгенделгеніне балалар да қуанып қайтты.

Г.ИГІЛІКҚЫЗЫ.