Тазалық – жай ғана айналаны жинап қою емес. Ол адамның мәдениеті мен тәрбиесінің, жауапкершілігі мен азаматтық ұстанымының көрінісі. Дана халқымыз«Денсаулықтың кепілі – тазалық» деп бекер айтпаған.
Себебі таза орта – сапалы өмірдің, қоғамдық тәртіптің және тұрғындардың әл-ауқатының басты кепілі.
Көше мәдениеті ең алдымен тазалықтан басталады. Әрбір тұрғын өз ауласы мен көшесінің тазалығына жауапкершілікпен қараса, қоршаған ортаның да көркі артады. Ал айналаның қоқысқа толуы экологиялық мәселелермен қатар, адам денсаулығына да кері әсерін тигізеді.
Сондықтан тазалықты біреудің айтуымен емес, өз денсаулығымыз бенкелер ұрпақтың болашағы үшін сақтау – әр азаматтың міндеті.
