Заң мен тәртіп жобасы аясында түрлі қылмыстың алдын алу жұмыстары жасалуда.
Осы бағытта аудандық полиция бөлімінің қызметкерлері Мақат кентіндегі көпқабатты тұрғын үйлердің аулаларында тұрғындармен кездесіп, түсіндіру жұмыстарын жүргізді.
Іс-шараның негізгі мақсаты – халықтың киберсауаттылығын арттыру және интернет алаяқтықтың алдын алу.
Кездесу барысында полицейлер тұрғындарға бейтаныс адамдарға жеке деректерін бермеу, күмәнді сілтемелерге өтпеу, сондай-ақ балаларды қараусыз қалдырмау керектігін ескертті.
Сонымен қатар, қауіпсіздік шараларын сақтау, терезелердің ашық қалмауын қадағалау секілді тұрмыстық қауіпсіздік мәселелері де түсіндірілді.
MT
