Атырау қаласы Полиция басқармасының ювеналдық полиция қызметкерлері «Назар аударыңыздар, балалар!» профилактикалық іс-шарасы аясында балалармен арнайы түсіндіру жұмыстарын жүргізді.
Кездесу барысында ювеналдық полиция инспекторлары балаларға жол қауіпсіздігі, құқықтық тәртіп және түрлі қауіп-қатерлерден сақтану жөнінде түсіндіру жұмыстарын жүргізіп, пайдалы ақпараттар қамтылған брошюралар таратты.
Сонымен қатар, бүлдіршіндерге тәттілер ұсынылып, олардың көңіл-күйін көтеруге ерекше көңіл бөлінді.
Мұндай профилактикалық іс-шаралар балалардың құқықтық сауаттылығын арттырып, қауіпсіздік мәдениетін қалыптастыруға және полиция қызметкерлері мен жасөспірімдер арасындағы сенімді қарым-қатынасты нығайтуға бағытталған.
#ЗАҢЖӘНЕТӘРТІП
