Атырау қаласындағы №46 «Келешек» мектебінде бітіруші сынып оқушыларының ата-аналарымен жиналыс ұйымдастырылды.
Жиын барысында мектеп әкімшілігі оқушылардың қауіпсіздігін қамтамасыз ету, қоғамдық тәртіпті сақтау және құқықбұзушылықтардың алдын алу бағытында түсіндіру жұмыстарын жүргізді. Сондай-ақ ата-аналарға оқу жылының аяқталуына байланысты өткізілетін іс-шараларда қауіпсіздік талаптарын сақтау қажеттігі айтылды.
Кездесу барысында мектептің ішкі тәртіп ережелері таныстырылып, ата-аналардың бала тәрбиесі мен қауіпсіздігіне қатысты жауапкершілігі сөз болды. Сонымен қатар, ата-аналар тарапынан қойылған сұрақтарға жауап беріліп, ұсыныс-пікірлер тыңдалды.
Мектеп ұжымы оқушылардың қауіпсіздігі мен тәртібін қамтамасыз ету білім беру ұйымының ғана емес, ата-аналар мен қоғамның ортақ міндеті екенін атап өтті.
Н. Насыр
