Қазақстан Республикасының жаңа Ата Заңы жобасында білім саласын дамытуға ерекше мән берілуі - мемлекет дамуының маңызды көрсеткіш.
Бұл – елдің өркендеуі мен ұлттың кемел келешегі ең алдымен сапалы біліммен тығыз байланысты екенін аңғартады. Жас ұрпақтың таным көкжиегін кеңейтіп, олардың өмірде өз орнын табуына жол ашатын басты құндылық – білім екені сөзсіз.
Сондықтан білім беру ісін жетілдіру, оқушылардың жан-жақты дамуына жағдай жасау - бүгінгі күннің басты міндеттерінің бірі. Ұстаздар қауымы үшін бұл - үлкен жауапкершілік жүктейтін тарихи міндет деп білемін. Себебі сапалы білім мен саналы тәрбие арқылы ғана еліміздің жарқын келешегін қалыптастыруға болады.
Д.Жайжеңісқызы,
Х.Санбаев атындағы орта мектептің бастауыш сынып мұғалімі
