11–16 шiлде аралығында Мақат станциясындағы көлiктегi полиция бөлiмшесi “Қауіпсіз жол” жедел-профилактикалық іс-шарасын жүргізуде.
Іс-шараның негізгі мақсаты – теміржол бойындағы қауіпсіздікті қамтамасыз ету, құқық бұзушылықтардың алдын алу және тұрғындар арасында қауіпсіздік мәдениетін қалыптастыру болып табылады.
Іс-шара барысында қауіпсіздік талаптарының сақталуы бақылауға алынып, тұрғындармен түсіндіру жұмыстары жүргізілді.
Сондай-ақ, рейдтік шара барысында мамандар балаларды теміржол маңында қараусыз қалдырмауға шақырды.
Қауіпсіздік ережелері:
-тек арнайы өткелдермен өтіңіз;
-ескерту белгілерін сақтаңыз; -құлаққаппен немесе телефонмен өтпеңіз; -балаларды қараусыз қалдырмаңыз;
-қозғалып келе жатқан пойызға жақындамаңыз;
-теміржол бойында бей-берекет жүрмеңіз.
Қауіпсіздік – әр азаматтың жауапкершілігі.
С.ИЛЬЯСОВ,
Мақат станциясының көлiктегi полиция бөлiмшесiнiң бастығының міндетін атқарушы, полиция аға лейтенанты
