Әділбек Мақсұтұлы 2009 жылдан бері «Аманғалиев» ЖК тіс емханасында тіс дәрігері болып қызмет етіп келеді.
Бос уақытында кентіміздің көгалдандыру жұмысына бір кісідей-ақ атсалысып жүр.
- Ауыл көшелерінің жасыл желекке айналуына үлесімді қосқым келеді. Қазіргі таңда, інілерім соңымнан ілесіп, техникамен қолдап жатыр. Бұл бір адамның ісі емес, артымда, көптеп-көлемдеп қолпаштаған аға-інілерім бар. Осындай игі істі жандандырып жатқаным солардың арқасында» - дейді Әділбек.
Әділбектің жанына жастар жинала бастады. Оларға жердің құнарсыздығы, кентті қоршай орын алған сортаңды жерлер кедергі келтірмеді. Кенттегі Н.Құсайынов, М.Өтемісұлы, Ш.Еркешов көшесі, көпқабатты пәтерлердің көше бет жағы, Доссор-Атырау тас жолы бойында жайқалып бой түзеген жасыл көшеттер жас көшеттер Әділбектің отырғызған ағаштары. Оларды егіп қана қоймай, жайқалып өсіп кетуіне жағдай жасап, күтіп-баптау жолында аянбай тер төгіп жүр. Әділбек мұнымен тоқтамайтынын жеткізді. Алда әлі талай жоспарлары бар.
М.ІЗТҰРҒАНОВА