Күллі мұсылман үшін қасиетті саналатын Құрбан айт мерекесіне орай аудандық мәдениет, тілдерді дамыту, дене шынықтыру және спорт бөлімінің ұйымдастыруымен орталық мешітте спорт жарыстары өткізілді.
Ұлық мейрамды ұмыт қалдырмаған кент тұрғындары кір тасын көтеру, білек күшін сынасу, қой көтеру секілді күш пен ептілік сынға түсер спорт түрлерінен өткен жарыстың куәсі болды. Айталық, 12 адам қатысқан кір тасын көтеру сайысы нәтижесінде Болатбек Қожаровтың алдына түсер жан табылмаса, II орынды Қайрат Қабдешев, III орынды Ақылбек Абаев иеленді.
Болатбек Қожаров білек күшін сынасуда да 13 адамның арасынан суырылып шығып, бас бәйгені иемденсе, II орын Аян Абаевқа, III орын Біләл Сағындықовқа бұйырды.
Қой көтеру жарысында қайраты тасыған Қайрат Боздақов қарсыластарын шаң қаптырып, жеңімпаз атанды.
Мейрамның көркін келтірген жарыстың жүлдегерлері ұйымдастырушылар атынан ақшалай сыйлыққа ие болды.
А.САДЫКОВ
